دو نکیاں لاء دے بیلیاں دی کہانڑی جیہڑے ساری زندگی رلے رہے پچھلے پہرے کائ چھوٹی جئ رنجگی بنڑ گی تے پھٹ گے پھٹدیاں مڑ جہندا نبھدا ہا نبھائندا رہیا جیہڑا شودھا دل دے ہتھوں مجور ہا وچھوڑا نا سہے سگیا تے بیمار ھو گیا اس دی اوھ بیماری لاچاری دا روپ اختیار کر گی جداں اس جاتا کہ زندگی وی ساتھ چھوڑن آلی اے تے سنگی وی ناراض اے تاں قاصد نوں سددا اے تے اوہن آدھا اے جا رٹھڑے سجنڑ منا آ تاکہ جند تاں سوکھی نکلے ,,,, احباب گل تے غور قاصد دے ذمے کم تے اگوں اگلیاں دا سلوک غور کرسو تاں انشااللہ میری محنت پوری ہو ویسی گل چنگی لگے تاں راۓ دا اظہار ضرور کرسو تے مہرغلام محمد درد صاحب کانڑ خصوصی دعا کریاۓ اللئہ پاک کروٹ کروٹ جنت الفردوس اچ اعلی مقام عطا کرے بھائ جی نوں,,,,,,,
بیمار قاصد نوں آدھا اے,,,,,,
بھاویں اوہدیاں سعی ذمے اپنڑے لا کے بھائیوال توں معافیاں منگ آ ,,★☆★
گھت گھت کے ہاڑے غربت دے خوشحال توں معافیاں منگ آ ,,★☆★
بوہے آۓ نوں راٹھ ولائندے نئیں لجپال توں معافیاں منگ آ ,,★☆★
اوہدا روسہ ائ ★درد★ پیغام قضا دا ہمتال توں معافیاں منگ آ ,,★☆★
قاصد نوں آدھا اے,,,,,,,
اوہنوں آکھیں چنگے چنگے بھل ویندن حبدار نوں معافی دے چا ,,★☆★
جہنوں کل تائیں حاں توں ائ کدی ناہیا لاہیا اس یار نوں معافی دے چا ,,★☆★
اللئہ عزت تے بھرم دی دولت دیوی بےکار نوں معافی دے چا ,,★☆★
متاں نکھڑیاں ★درد★ دے ساھ مک جاون بیمار نوں معافی دے چا ,,★☆★
قاصد نوں مزید آدھا اے,,,,
متاں سٹ گھتے رنجگی آخری واری ڈیوا آس دا بال کے لاۓ ونج ,,★☆★
بیمار دے ہاڑیاں منتاں دی ساری سنگت سمال کے لاۓ ونج ,,★☆★
مڈھوں انج کر قاصد منکھ نا رہے راھ کھاڑا بھال کے لاۓ ونج ,,★☆★
بھاویں نئیں رلکیندا سجنڑ دے گھر تائیں مینوں ★درد★ پنجال کے لاۓ ونج ,,★☆★
قاصد بیمار دی گل تے عمل کریندیاں ہوئیاں جداں اوہن لاۓ گیا اے وت اگلیاں کے سلوک کیا اے,,,,
جداں قاصد ★درد★ بیمار نوں لاۓ کے رٹھے سجنڑ دے در تے گیا ,,★☆★
کسے غور نا کیتا دستک تے لاچار ڈلاندا رہیا ,,★☆★
سد مار کے جدنڑ سیاپ کرائیم اگوں سجنڑ دا ولدا ڈھہیا ,,★☆★
جیتھے اپنڑے کفن دی لیر وی کائ نئیں اوہدے نال منیونڑا ں کیہا ,,★☆★
بیمار آدھا اے میاں ہول نا کر کجھ منگد ناھ,,,,
اللئہ پاک تے وس تیتھوں کجھ ناھ منگدا ہک فرض نبھاونڑ آیاں ,,★☆★
میں اپنڑی موت دی خوشخبری تینوں توڑ سنڑاونڑ آیاں ,,★☆★
تیرے سر توں تہمتاں مہنڑیاں دا ہر بھار لہاونڑ آیاں ,,★☆★
توڑے جند بیمار دی سوکھی نکلے تاہیں ★درد★ مناونڑ آیاں ,,★☆★
اگوں ضدپالاں دا ولدا امدا اۓ ,,,,
متھے لگنڑ کجا بوہا کھولنڑ دی تکلیف وی کائ نئیں کرنی ,,★☆★
تئیں منگتے کول کھلو کے اپنڑی میں قطعن لہائ نئیں کرنی ,,★☆★
تیری ★درد★ سزا اے محشر تائیں مڈھوں ختم جدائ نئیں کرنی ,,★☆★
بھاویں جھٹ دا مردا ہنڑ مر ونج تیرے نال رسائ نئیں کرنی ,,★☆★
بیمار آدھا اے,,,,
بندا راٹھ سنڑیناؤں کج لیسیں تائیں ہوئیم آنڑ قریب اے ,,★☆★
پتہ کوئ ناھ الٹا دکھ دیسی جہنوں بیٹھاں سمجھ طبیب اے ,,★☆★
اچھا توئیں لجپال تے رنگی کہڑی مڈھوں غلط جوں ہائن نصیب اے ,,★☆★
چھوڑی ویندا ائ جگر تے ہتھ رکھ کے تیری نگری ★درد★ غریب اے ,,★☆★
بیمار شودھا مایوس تے ناکام جداں واپس ونجنڑ لگدا اۓ تاں لُڑیاں ہنجوں نال آدھا اۓ,,,
ڈھڈھوں پیار تاں ہا پر گل قسمت دی تیری سنگت نا آئیم راس اے ,,★☆★
ایہ تاں رب جانڑے جیویں جھٹ ذندگی دے تیتھوں نکھڑ کے ہوسن پاس اے ,,★☆★
ویسے ہک اطلاع تینوں جھب مل ویسی تیرے ملنڑ دی رکھ رکھ آس اے ,,★☆★
اکھیں پکیاں پکیاں نوٹ گیاۓ تیرا نوکر ★درد★ اداس اے ,,★☆★
No comments:
Post a Comment