ساڈا دل تیرے وانگوں ملوٹا جوں نہ تیری ہر ہک سزا نوں اَدا سمجھیاۓ ,,
خود ریاکار ناسے اسے واسطے توہیں ریاکار نوں بےریا سمجھیاۓ ,,
ویکھ ساڈا یقیں بھاویں مَنتار ہائیں سَنگ دی بیڑی دا تئن ناخدا سمجھیاۓ ,,
تئیں مداری تے اِنج اَنہا اعتبار ہا ہاؤں رَہزن مگر رَہنما سمجھیاۓ ,,
تیرے کؤڑے بُلارے نوں کھنڈ آکھیاۓتیری ہر بدعا نوں دعا سمجھیاۓ ,,
تیرے لالچ نوں دَائیا تے مانڑ آکھیاۓتیری نفرت نوں تیرا حیاء آکھیاۓ ,,
نیک جذبات دی ساری کائنات دا تینوں مُدخود تے فرماروا سمجھیاۓ ,,
پیار وچ رکھیاۓ ملحوظ توحید نوں ساری دنیا توں تینوں جُدا سمجھیاۓ ,,
”درؔد؎“ سانوں بزرگاں دا فرمان ہے سپ وی پالو تاں وَت اُوہدی سیوا کرو
تیری فطرت دا پَک ہوندیاں وی سجنڑ تینوں لجپال صاحبِ وفا سمجھیاۓ ,,
No comments:
Post a Comment