بےوفائی دے پَروُردا ماحول وِچ پیار دا ہتھ ودھاونڑ بڑا جرم ہے

-----نظم----- بےوفائی دے پَروُردا ماحول وِچ پیار دا ہتھ ودھاونڑ بڑا جرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,, میں نبھائے کلہیپے دے ایام وی وَت تعلق دے رنگ پور دے رنگ ویکھیئم ,, ماپیاں دا میں رَج تخت ہزاراہ ڈٹھا دوستاں دے وِراگاں دا جھنگ وِیکھیئم ,, اپنڑیں وطناں دا حاتم وی بنڑیا رہیئم بوہے بوہے دے ٹکڑے وی منگ وِیکھیئم ,, اپنڑیں ویہڑے نوں ہَسدا تے وَسدا ڈٹھّم وَت اسے گھر دے جندرے تے زنگ ویکھیئم ,, مختصر زندگی وِچ سبق مِل گیائے راز کئیں نوں دَساونڑ بڑا جرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,, لا کے ہوٹھاں نوں میں جندرا احساس دا بےوَپاری دی چَکی اچ پِسدا رہیئم ,, چا کے سر تے حبیباں دی بے رحمیاں سِنے اَیرے دے وانگوں میں ہِسدا رہیئم ,, اندرے اندرے توڑے آپ گَلدا رہیئم مہرباناں نوں خوش باش دِسدا رہیئم ,, خُلق دی آڑ وِچ اوہ لُٹیندے رہے میں لُٹی کے وی اُنہاں تے وِسدا رہیئم ,, لکھ خُدا دی قسم دورِ حاضر دے وچ رَاٹھ مُخلص سداونڑ بڑا جُرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,, ہر دُعا بدلے جھولی پئیم بددُعا میکوں تعریف اوزے بکھیڑے مِلے ,, نیندراں بدلے راتاں دا جاگنڑ ڈھہیا میکوں آرام بدلے تھکیڑے مِلے ,, ہاسیاں بدلے عمراں دا روونڑ ڈھہیا بدلے رانجھنڑ دے نااہل کھیڑے مِلے ,, میری غربت دی رَت نال ناندے رہے میکوں اجتوڑی ہمراز جہڑے مِلے ,, ٹھوکراں کھا کے احساس ہویا اے اج وقتی جی توں وِکاونڑ بڑا جرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,, کہیں دی پکھیاں نوں شاہی محل سمجھیئم اپنڑاں شاہانہ آباد گھر چھوڑیا ,, کر کے قربان خوشیاں حیاتی دیاں اپنڑاں دامن دُکھاں نال بھر چھوڑیا ,, کئیں دی عظمت دوبالا کرن واسطے آپ نوں ہولا ککھاں توں کر چھوڑیا ,, کوئی لجپال سنگتی گولیندا رہیئم نئیں زمانے تے کوئی وی دَر چھوڑیا ,, لُونڑ زخماں تے اُلٹا وَگیندائے جہاں کہیں نوں دُکھڑا سُنڑاونڑ بڑا جرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,, ”درؔد؎“ لائی ہے جہڑی میکوں اپنڑیاں نال ہنجواں دے اوہ اگ بُریندا وَداں ,, چا کے سدھراں دا گُستان سینے دے وچ سارے جَگ نوں نصحیت کریندا وَداں ,, دوستوں اج محبت اے دھوکے دا ناں میری تحقیق ہے تاہیں ہُڑیندا وَداں ,, حال میرا ہے عبرت تُسانہہ واسطے بھوگ قسمت دے ہِن بَس بھُگیندا وَداں ,, ڈاکوواں نوں جیویں کوئی وِکھیندئے چا گھر کہیں نوں دل اِچ وَساونڑ بڑا جرم ہے ,, جیندیاں جی جہنم توں ودھ اے سزا کہیں نوں لگدا بنڑاونڑ بڑا جرم ہے ,,